Dearvvašvuodabálvalus

Leat iešgudedlágan barggut dearvvašvuoda suorggis. Jos dearvvašvuodabargit galget iežaset rollas doaibmat bures, de sii galget máhttit sihke sámegiela ja dárogiela bures vai olles riikka álbmogii lea buorre dearvvašvuodafálaldat.

Dearvvašvuodadivššár

Dearvvašvuodadivššáris lea divššodat gieldda dahje suohkana dearvvašvuodaguovddážis. Doppe son váldá vuostá buot mánáid geat eai leat vel skuvlii álggán. Dearvvašvuodadivššár fitná muhtimin skuvllas maid. Son galgá geahččat bearrái ahte buot mánáin leat muttágis oaidnu, gullu, allodat ja deaddu. Dasa lassin son galgá boahkuhit buot ohppiid, nu ahte sii eai oaččo váralaš dávddaid. Son galgá maid oahpahit mánáid mo rupmaša dikšut, maid borrat ja mo gárvodit ja lihkadit. Muhtimin son hálešta mánáiguin ja nuoraiguin dovdduid birra. Buot dát lea nuvttá.

Dearvvašvuodadivššár boahkuha buot mánáid, vai sidjiide eai bastte váralaš njoammudávddat.

Doavttir

Muhtimin mii buohccát dahje bávččagit nu garrasit ahte dárbbašit doaktáris veahki dearvvasmuvvat. Dalle fertet mannat doaktára lusa. Son iská ja dutká. Jos son ii gávnnat mii lea váttuid, de son sádde min viidáseappot doaktáriidda geat dihtet ollu dan bákčasa birra. Doavtteráiggi ovddas ferte máksit. Mánáide vuollil čieža jagi lea nuvttá.

Buohcceviesse

Jos doavttir ii sáhte dikšut buohcci nu ahte dearvvasmuvvá, de ferte buohccevissui. Buohccebiila boahtá de viežžat su, ja doalvu buohccevissui.
 

Buohcceviesus barget ollu dearvvašvuođabargit iešguđet ossodagain. Muhtimat barget riegádahttinossodagas, earát fas mánáidossodagas ja fas earát vuostáiváldimis. Gávdnojit máŋga dákkár ossodaga iešguđet buohcceviesus. Doppe barget doaktárat ja eará bargit geat dihtet ollu iešguđet dávddaid dahje rumašlahtuid birra.

Doavttir ságasteamen pasieanttain.

Hámárfeasta buohcceviesu.

Bátnedoavttir

Buot mánát galget golmma jagi rájes juohke jagi fitnat bátnedoaktára luhte iskamin báníid. Bátnedoavttir iská ja divvu báníid ráiggiid. Dasa lassin son oahpaha mánáide ja váhnemiidda mo sii galget báníid dikšut vai dat bistet guhká. Bátnedoavtterbálvalus lea nuvttá dassá go deavddát 18 jagi.

Bátnedoavttir

Einar lea buohccebiilavuoddji.

Buohccebiillas leat ollu dávvirat mat dárbbašuvvojit heakka gáddjumis. Das leat šerres ivdni, čuovggat ja garra jietna vai eará johtaleaddjit áddejit čáhkket ja buohccebiila johtilit beassá buohccevissui.

Son gii áigu bargat buohccebiilavuoddjin, ferte háře-hallat ollu vai son diehtá mo galgá heakka gáddjut.

Buohccebiilavuoddji

Einar lea buohccebiilavuoddji. Buohccebiilavuoddji galgá leat gárvvis vuoddját viežžat olmuid geat leat garrasit buohccán dahje lihkohisvuodas bártášuvvan. Buohccebiilavuoddji galgá gárvodit dihto biktasiguiin go lea barggus. Sus galgá maid leat sierra biila mas leat dihto ivnnit ja rusttegat. Rusttegat galget leat ávkin olmuid gádjumis jos lea heakkavára. Son galgá máhttit ollu das mo gádjut olmuid ja bisuhit heakka. Son galgá máhttit biila vuodjit ja doalvut olmuid buohccevissui johtilit. Jos lea dárbu, de son ferte bidjat čuovggaid ja jiena biilii, vai earát oidnet ja gullet, ja čáhkkejit saji geainnus go son boahtá vuoji. Juohke gielddas dahje suohkanis leat buohccebiillat ja buohccebiilavuoddit. Buohccebiilavuoddji galgá leat oahpis miehtá gieldda/suohkana ja dovdat buot báikenamaid vai johtilit sáhtá joavdat báikái gos lea geavvan buohcuvuohta dahje lihkohisvuohta.