Mii lea stuorraservodat?
Mii lea stuorraservodat?
Buohkat geat ássset muhtin riikkas dahje viiddis guovllus, leat miellahut stuorraservodagas. Dan mii gohčodit Norgga servodahkan ja Sámi servodahkan. Stuorraservodaga miellahtuin lea juoga oktasaš. Sii ellet ovtta seamá guovllus dahje riikkas, ja sis leat oktasaš njulggadusat mat muitalit mo heive láhtttet guđet guimmiin.
Stuorraservodat fuolaha daid stuorra bargguid maid mii bearrášis dahje lagašservodagas eat nagot okto doaimmahit. Dakkár barggut leat earret eará geainnuid ráhkatit, olmuid dearvvašvuoda ja sihkkarvuođa gozihit, doabbariiid meannudit ja vuođđoahpu fállat álbmogii sihke sámegillii ja dárogillii. Muhtimin olmot fárrejit ja ásaiduvvet eará guovlluidde Sámis dahje Norggas. Stuorraservodat galgá fállat seamá bálvalusaid beroškeahttá gosa olmot fárrejit.
Bargu dahkkis rámida
Peđar fárre Kárášjohkii
Pedar čohkká lanjastis. Son čohkká ja smiehtta ahte dán lanja son ferte guoddít. Dán lanja gos heangážit Manchester United govat ja man uvssa son máŋggi lea čievččastan gitta go áhčči lea hoavrrestisgoahtán. Heaika ja Áile bohtiba sisa...
Heaika: Mii dus lea Peđar?
Peđar: Na.....
Heaika: Lea go dus váivi?
Peđar: Várra....
Heaika: Manne nu?
Áile: Mii lea geavvan? Lea go dus váivi?
Peđar: Na. Ferten fárrret.
Áile: Fárret? Gosa?
Peđar: Kárášjohkii.
Heaika: Mo nu ges?
Peđar: Na, eatni bargu lea dohkko fárrremin. Ja go áhčči bargá Sámedikkis, de heive fárret Kárášjohkii.
Áile: Muhto, háliidat go fárrret Kárášjohkii?
Peđar: In de hálit! Soai eaba jeara mus maid mun háliidan!
Heaika: Kárášjogas lea máilmmi fiinna vuojadanhállá!
Áile: Ja doppe lea maid čierastanluohkká!
Peđar: Muhto doppe eai leat mu skihpárat!
Heaika: It go jáhke mii boahtit dohkko galledit?
Áile: Ii han bussiin ádján go moadde diimmu Kárášjohkii.
Heaika: Ja don sáhtát maid deike boahhit muhtumin.
Peđar: Na. Lean gal dan jurddašan. Muhto in hálit liikká fárret. Go in dovdda in ovttage doppe.
Áile: Mus lea doppe vilbealli. Ja son lea seammá boaris go mii.
Peđar: Láve go son čuoigat?
Áile: Láve go čuoigat? Don han dovddat su! Kenneth gii finai dáppe juovllaid áig-ge. Son searvvai daidda ILAR-doaluide.
Peđar: Duot čuvgesvuovttat gánda?
Áile: Diet fal.
Heaika: Mun maid muittán su. Son orui leamen šiega.
Áile: Son lea šiega. Dus lea measta skihpár Kárašjogas juo!