Servodatmáhttu
1
Mii dáppe
Servodatmáhttu
5.-7. cehkiide
Mii fertet oahppat guhtet guimmiineamet. Mii han oainnat buohkat leat ovttas dán máilmmis. Mii fertet oahppat guhtet guimmiineamet ja veahkehit guhtet guimmiideamet. Jos mii eat oahpa guhtet guimmiineamet eat ge veahket guhtet guimmiideamet, de leat dubmejuvvon.
Čurges Goaskin – Grey Eagle – Ken Jackson. Davvi Amerihká álgoálbmotgiidda gulleváš.
Servodatmáhttu lea máhttu dan servodaga birra gos mii eallit. Servodatmáhttu lea dieđut olbmuid birra ja mo mii galgat láhčit dili nu ahte sáhttit orrut ja ássat singuin ovttas. Mii leat buohkat miellahtut iēšguđet servodagain. Danne lea dehálaš ahte mii háhkat dieđuid daid birra. Dalle mii fertet digaštallat ollu earáiguin. Mii dárbbasit ságašit ja gullat earáid oaiviliid servodaga áššiid birra. Dalle mii sáhttit árvvostallat mii lea buoremus, ja háhjehallat iežamet oaiviliid buktit ovdan.
Servodatmáhttu lea eambbo go máhttit ja diehtit. Servodatmáhttu lea maidđái beroštit. Mii galgat beroštit alddá-met, go mii leat árvvolaččat, muhto maidđái galgat beroštit ja váldit vuhtii earáid geaiguin mii eallit ovttas, go sii leat maid árvvolaččat. Buohkain lea ovddasvástádus geahččat bearrái ahte sii geaigiuin mii ovttas eallit, dovdet oadjebasvuoda ja buorrevuođa.
Dán oasis beasat lohkat ja oahppat dan birra mii servodat lea, mo servodat šadde ja makkár rollat mis leat servodagas.