Skuvlaservodat

Skuvla lea okta daid deháleamos ásahusain servodagas, danne go dat galgá fállat vuođđooahpu olles riikka álbmogii. Min servodat dárbbaša olmuid geat máhttet iešguđetlágan doaimmaid. Dan máhtu oaččut go váccát skuvlla, ja čuovut mielde oahpahusas. Dalle sáhtát válljet maid don áiggut bargat servodagas go stuorut.

Eanaš mánat álgget skuvlii dan jagi go devdet 6 jagi, ja šaddet oassin skuvlaservodahkii. Mánát álget dan skuvlii mii lea sin lagašservodagas.

Ollu olmot oassálastet skuvlaservodahkii, ja sis leat iešguđet rollat skuvlaservodagas. Muhtimat leat oahpaheadjit ja muhtimat fas oahppit ja earát fas bassit ja assisteanttat. Dábálaččat leat maiddái kánturbargit ja rektor. Jos skuvlaservodat galgá doaibmat bures, fertejit buohkat ovttas čoavdit áššiid, ja deavdit iežaset rolla bures.

Ii oahppa deatte

Oahppit skuvllas.

Oahppirolla

Don leat oahppi skuvllas, ja dus lea dalle oahppirolla skuvlaservodagas. Dat mearkkaša ahte dutnje leat vuordámušat. Jos don galggat sáhttit deavdit iežat rolla bures, de fertet diehtit makkár vuordámušat dutnje leat:

• Don galggat leat buorre skuvlaskihpár dahje olmmai

• Don galggat leavssuid bargat

• Don galggat čuovvut skuvlla njulgadusaid

• Don galggat earáiiguin bargat ovttas

• Don galggat áiggil boahtit oahpahussii

• Dus galget leat buot skuvla-girjjit ja skuvlávdnasat mieldde

Go mii álgit skuvlii, de mii biddjot muhtin ceahkkái. Mii eat sáhte válljet geai-guin mii háliidit leat ovttas. Mii galgat ovttastallat buohkaiguin ceahkis máŋga jagi. Buohkain ceahkis leat seammá vuoigatvuođat. Dat mearkkaša ahte buohkat galget dovdat ahte sidjiide lea bures boahtin, ja ahte sis lea oadjebas dilli skuvllas. Buohkat skuvlaservodagas galget geahččat bearrái ahte buohkain lea buorre dilli skuvlaservodagas. Don leat oahppi, ja deháleamos oassi oahppirollas lea leahkit buorre skuvlaskihpár.