Dulkonbálvalus

Servodagas gullojit ollu gielat. Sámegiella ja dárogiella eat Norgga almmoláš gielat. Dat mearkkaša ahte buohkat galget sáhttit geavahit guktui gie- laid buot almmoláš dilálašvuođain ja oktavuođain nu mo gielddavisttis, čoahkkimiin ja doaktára luhte. Buohkat galget sáhttit gulahallat dan gillii mii sidjiide lea lunddoleamos. Datte eai buohkat ádde guktui gielaid. Dalle dárbbašuvvo dulka. Dulka galgá dulkot sihke dárogillii ja sámegillii. Son ferte máhttit guktui gielaid hui bures.

IT

Ollu servodatdoaimmaid sáhttit mii ieža doaimmahit. Dasa dárbbašit IT-gulahallan vejolašvuođaid. Mii sáhttit rehkegiid máksit interneahta bokte, ja mii sáhttit gálvuid oastit interneahta bokte. Mii sáhttit vel oahpu ge oažžut interneahta bokte. Ollu servodatdoaimmat sirdojuvvojit dádistaga internettii. Doppe mii ieža sáhttit daid čoavdit, iskat ja čuovvut.

Juhán Niillas lea dulka. Dás son lea dulkomin muhtun somás muitalusa. Olbmot geat hállet čoahkkimis, fertejit hállat mikrofovdnii. Juhán Niillas gullá maid sii dadjet ja dulko sin ságaid nuppi gillii. Si geat dárbbašit dulkoju, geavahit bealljebilttuid gos gullet maid Juhán dulko.