Mánaid neahtta-njuolggadusat

Britt Elin lea politiija ja diehtá ollu dan birra maid mána’t ja nuorat vásihit iešguđet sosála mediaiin ja eará neahttaservodagain. Mii leat jearahallan su dan birra.

Makkár neahttaservodagaide oassálastet nuorat áinnas?

Nuorat liikojit leat eará nuoraiguin ovttas, nu ahte sii servet áinnas sosála neahttaservodagaide. Dat leat neahttaservodat gos sii sáhttet deaivvadit, humadit ja speallat eará nuoraiguin. Sii sáhttet govvaid, filmmaid ja suohttasiid lonuhallat. Dat lea buorre vuohki deaivvadit ja gulahallat earáiiguin, jos ii heive mannat guossái. Dat lea maid buorre vuohki doalahit oktavuođa singuin geat orrot guhkkin eret, go sin ii leat vejolaš deaivvat ja oaidnit nu dávjá. Muhtimat ožžot odda olmáid sosála neahttaservodagaide.

Gávdnojit go sierra neahttanjuolgadusat?

Dábaláš olmmošvierrut ja láhttennjuolgadusat gusket maidđái neahttaservodagaid oassálastimi. Nu go dábálaš servodagas, de maidđái neahttaservodagain ovttastallet ja deaiivvadit ollu olbmot. Mii dovdat ja máhttit dábaláš servodaga láhttennjuolggadusaid, muhto eat álo muitte ahte dábaláš olmmošvierrut ja láhttennjuolgadusat gusket maiddái neahttaservodagaide.

Eanáš neahttaservodagat leat ásahan neahttanjuolgadusaid. Jos olbmot eai čuovo neahttanjuolgadusaid ja dábaláš olmmošvierruid neahttaservodagain, de sii biddjojit eret doppe.

Leat go duođat buot mat nehtas čužžot?

Eai leat. Nehttii sáhttá juohkehaš čállit ja almuhit vaikko maid. Danne lea dehálas muitit ahte ii soaitte leat álo riekta ja duohta buot mii doppe čuožžu. Dat mearkkaša mii galgat kritihkalaččat árvvoštallat gálduid ja dieđuid maid mii lohkat ja gullat nehtas.

Mánne lea nehttagivssideapmi earálágán go dábálaš givssideapmi?

Nehttagivssideapmi dáhpáhuvvá nehtas. Cuiggodeapmi, gohčodeapmi, áitin, olggušteapmi ja sealggeduohkin kommenteren dáhpáhuvvá sosiála nehttaservodagain. Dat sáhttá leat ollu garraseabbo nehtas go duohta eallimis danne go givssidit nehtas lea álkit go givssidit dábálaččat. Lea álkit nuppi čalaláččat cuiggodit go njuloga dadjat. Son gi givsidd uvvo, ii sáhte oaidnit maid givssideaddji rumášgiella ja geahčastagat muitalit. Datte lea nu ahte fasttes sánit sordet ja bávccágahttet nuppi seammá garrasit, dáhpáhuvaš dal njálmmálaččat vai čálalaččat. Čálalaš cuiggodeapmi ja áitin bissu das čalmmiid ovddas. Dat ii jávkka.

Maid galgá bargat jos nehttagivssideami vásiha?

Nehttagivssideami galgá dieđihit rávisolbmuide, dahje politijáide jos dat ii noga. Son gii givssida, berre diehtit ahte nehttagivssideami sáhttá guorrat ja duođaštit, ja ahte politijjat sáhttet gávnnahit gii dan lea dahkan, jos vel lea ge čiehkan iežas identitehta. Son gii givssida, sáhttá ráŋggáštuvvot.

Dihtet go...?

...ahte váhnemiin lea vuoigatvuohta geahččat ja čuovvut maid don čálát, dajat ja almmuhat earáide sosiála nehttaservodagain.